Gourmets tar RTR - Quatter teams cuschinan tratgas da stailas
Creativ e masculin e piztgant! Uschia è la cuschina dal mais da favrer. Otg collavuraturs da differentas redacziuns van en cuschina. Mangiar unescha l'uman ed uschia era collavuraturs da RTR ch'èn magari ineguals e plain cuntrasts. Ils quatter teams fan litgar la bucca mintga mesemna.
La gronda part dals participants concedan d’esser solitaris cur ch'i ha num da sa metter davos las chazzettas a chasa. Là na partan els betg gugent ils cuntels, ed èn gugent pitschens «Chefs de cuisine» cur ch'i va per decider tge che vegn en la chazzetta. L'experiment «Gourmets tar RTR» sveglia il plaschair da cuschinar ensemen.
Ils teams
Avrir la boxSerrar la box
Livio Chistell ed Elias Tsoutsaios
Gian Carlo Candinas e Flurin Clalüna
Livio Foffa e Patrick Capaul
Sergio Guetg e Roman Dobler
Cun sgnoccas, parodias e bler umor procuran els per divertiment, odur e savur en la cuschina durant il favrer. Nus emprendain d’enconuscher novas fassettas da noss moderaturs e redacturs da radio e televisiun. Quatter teams per quatter ediziuns. Mintga team dat tut per striunar in bel e bun plat. La giuria è adina la redactura u il redactur da las novitads da la saira. Els pon uschia reparter stailas da gourmet e sa laschar gustar in bun plat per tschaina.
Emprima episoda: Chistell – Tsoutsaios
audio
Livio ed Elias fan raviolis
22:41 min, ord Nossa cuschina dals 01.02.2023.
Maletg: RTR
laschar ir. Durada: 22 minutas 41 Secundas.
L’entschatta han fatg dus ch'èn sco il di e la notg. Livio Chistell è l'estet, precis ed in «mangia-sanadaivel». Cuntrapaisa a questas valurs dat Elias Tsoutsaios, cun ses scharm grec che conceda da mangiar saun, dentant na sa lascha betg lavagar il gust sin in «cheese burger» las trais la notg.
1 / 8
Legenda:
Elias Tsoutsaios e Livio Chistell preschentan las ingredienzas per far raviolis emplenids e vulvids en paintg da timian.
RTR, Gaby Degonda
2 / 8
Legenda:
Far ora la pasta è chaussa dad Elias, Livio fa l'emplenida.
RTR, Gaby Degonda
3 / 8
Legenda:
Elias taglia la pasta, Livio tschenta l'emplenida.
RTR, Gaby Degonda
4 / 8
Legenda:
Lavur da team: Elias taglia la pasta, Livio tschenta las purziuns d'emplenida.
RTR, Gaby Degonda
5 / 8
Legenda:
Elias e Livio preschentan lur ovra culinarica a la giurora Corina Riatsch.
RTR, Gaby Degonda
6 / 8
Legenda:
Raviolis cun emplenida da paira e mascarpone, vulvids en paintg e timian, decorads cun nuschs e chaschiel da parma.
RTR, Gaby Degonda
7 / 8
Legenda:
Temp per giudair il prestà.
RTR, Gaby Degonda
8 / 8
Legenda:
Livio ed Elias èn cuntents e superbis da lur prestaziun.
RTR, Gaby Degonda
Segunda episoda: Clalüna – Candinas
audio
«Gourmets tar RTR» Spaisa asiatica e parodias
15:31 min, ord Nossa cuschina dals 08.02.2023.
Maletg: RTR
laschar ir. Durada: 15 minutas 31 Secundas.
Tranter Gian Carlo Candinas e Flurin Clalüna na vegni mai lungurus. Cura ch'els èn ensemen crodan parodias da tut gener, la vusch e la lingua sa midan trasora. Era en cuschina paran els dad esser in team guliv.
Gian Carlo e Flurin cuschinan asiatic
1 / 6
Legenda:
Las ingredienzas èn prontas per ina tratga asiata e vegetariana.
RTR, Gaby Degonda
2 / 6
Legenda:
Curta visita dad in «adversari» – Livio Foffa ha marveglias.
RTR, Gaby Degonda
3 / 6
Legenda:
Flurin taglia las nuschs da cashew che dattan il tuc croccant a la spaisa.
RTR, Gaby Degonda
4 / 6
Legenda:
Flurin e Gian Carlo han maschadà ensemen senza recept.
RTR, Gaby Degonda
5 / 6
Legenda:
La giurora Corina Schmed è intgantada.
RTR, Gaby Degonda
6 / 6
Legenda:
Gian Carlo e Flurin èn loschs da lur spaisa asiatica freestyle.
RTR, Gaby Degonda
Terza episoda: Foffa – Capaul
audio
«Gourmets tar RTR» Livio e Patrick fan risot cun vistas portg
22:31 min, ord Nossa cuschina dals 15.02.2023.
Maletg: RTR
laschar ir. Durada: 22 minutas 31 Secundas.
Livio Foffa e Patrick Capaul han in tschert avantatg tar Gourmets tar RTR: Els hajan gia cuschinà pliras giadas ensemen. Bun – ma la davosa giada è stà avant prest 20 onns. Uras che quels dus cumpogns giajan puspè ensemen en cuschina.
Patrick è il schef da la charn – oz vistas da pata negra – ina delicatessa. En la chazzetta na vegn nagut che na saja betg da qualitad. Garum per intensivar il gust per la sosa, il buglion da verduras, buglion d'ossa vadè. Tut products che el sez ha produci per. Livio è l'um dal risot à la milanaisa. Giuror questa giada Erwin Caduff, noss um da novitads.
Livio e Patrick cuschinan risot cun vistas portg
1 / 7
Legenda:
Las ingredienzas èn preparadas, uss mancan be pli ils cuschiniers.
RTR, Gaby Degonda
2 / 7
Legenda:
Il risot dovra blera attenziun da Livio.
RTR, Gaby Degonda
3 / 7
Legenda:
Las vistas da portg «pata negra» vegnan brassadas...
RTR, Gaby Degonda
4 / 7
Legenda:
... avant che sa tschentar en la sosa da vin cotschen. Patrick fa quai cun gronda passiun e concentraziun.
RTR, Gaby Degonda
5 / 7
Legenda:
Il redactur da novitads, Erwin Caduff, giuditgescha la tratga.
RTR, Gaby Degonda
6 / 7
Legenda:
Para ch'igl ha gustà.
RTR, Gaby Degonda
7 / 7
Legenda:
Vistas da pata negra sin risot mellen cun rischmelnas.
RTR, Gaby Degonda
Quarta episoda: Guetg – Dobler
«Gourmets tar RTR» – Creativ e masculin e piztgant, va en la quarta e davosa ediziun da nossa cuschina dil favrer. Oz cun Roman Dobler da la redacziun Engiadina e Sport e Sergio Guetg, il moderatur da RTR surmiran.
audio
«Gourmets tar RTR» - Cuschinar è amur
24:43 min, ord Nossa cuschina dals 22.02.2023.
Maletg: RTR
laschar ir. Durada: 24 minutas 43 Secundas.
Sergio e Roman cuschinavan ensemen cura che els eran single. Dapi lura è bler sa midà en lur vita. Ma il plaschair per la cuschina è restà. Els preparan in delizius plat: Bavette à la crema da broccoli, cullas da charn e croutons. Quantas stailas cuntanschan els?
Sergio e Roman fan bavette cun cullinas da charn
1 / 7
Legenda:
Sergio e Roman han pinà las ingredienzas, l'aventura culinarica po cumenzar.
RTR, Gaby Degonda
2 / 7
Legenda:
Cun ina gervosa gartegia l'entschatta il meglier – viva!
RTR, Gaby Degonda
3 / 7
Legenda:
Or da las liongias striuna Roman...
RTR, Gaby Degonda
4 / 7
Legenda:
... pauc pli tard ballinas da charn. Quellas sa tschentan en chazzetta cun agl.
RTR, Gaby Degonda
5 / 7
Legenda:
Era per l'egl stoi constar. Quai controllescha Sergio exact.
RTR, Gaby Degonda
6 / 7
Legenda:
Ils cuschiniers cun lur giurora Lea Livers – bien appetit!
RTR, Gaby Degonda
7 / 7
Legenda:
Bavette cun crema da broccoli e cullinas da charn.
RTR, Gaby Degonda
Mintg'emna datti ina nova episoda, per far gust avain nus gia in pèr maletgs che mussan tge che vegn.
