«Gourmettas RTR» - Menu cumplet – scharmant e picant

Gourmettas RTR – scharmant e picant

Creativa, attractiva e plain surpraisas! Uschia è la cuschina dal mais da favrer tar RTR. Quatter teams da mintgamai duas collavuraturas da RTR preparan las mesemnas dal favrer in plat da deletg. A la fin dal mais è il menu  «Gourmettas RTR» cumplet. Da l'apero sferic enfin in dessert romantic datti bleras e bellas surpraisas. Ils quatter teams da gourmettas che preparan delicatessas che laschan litgar la detta sa cumponan da Corina Schmed e Fabia Caduff, Andrina Caprez e Milena Bassin, Sara Hauschild e Martina Werro, Tamara Deflorin e Diana Jörg.

«Gourmettas RTR», adina la mesemna tranter las 9:30 e las 10:30 sin radio RTR.

Per ina giada han nossa gourmettas barattà cameras, microfons, laptops ed agendas per sa metter en scussal per la cuschina dal favrer cun Gaby Degonda. A la fin dal mais è il «menu gourmettas RTR» cumplet. Dal apero sferic enfin in dessert romantic datti bleras e bellas surpraisas.

Cun umor, anecdotas e blera amur per ils products procuran las gourmettas RTR per divertiment, odur e savur en la cuschina. Nus emprendain dentant er d'enconuscher novas fassettas da nossas collavuraturas.

Sco l'onn passà giogan redacturas e redacturs da novitads la giuria per reparter puncts e stailas da gourmet.

1 / 10

2 / 10

3 / 10

4 / 10

5 / 10

6 / 10

7 / 10

8 / 10

9 / 10

10 / 10

1 / 8

2 / 8

3 / 8

4 / 8

5 / 8

6 / 8

7 / 8

8 / 8

1 / 10

2 / 10

3 / 10

4 / 10

5 / 10

6 / 10

7 / 10

8 / 10

9 / 10

10 / 10

1 / 9

2 / 9

3 / 9

4 / 9

5 / 9

6 / 9

7 / 9

8 / 9

9 / 9