A bord da la «ARA San Juan» èn tenor differents rapports da medias tranter 27 e 44 persunas. Tge ch'è propi capità, n'è betg cler. Sco il pledader da la marina di, saja pussibel ch'il sutmarin haja in problem cun l'electricitad. Els hajan pers il contact la mesemna. Plinavant rapportan medias che las battarias a bord hajan tschiffà fieu.
Il sutmarin argentin è vegnì producì ad Emden en Germania. El è 66 meters lung e paisa passa 2000 tonnas.