Siglir tar il cuntegn

Header

audio
Carola Rackete, la chapitania da la Sea-Watch 3.
Keystone
laschar ir. Durada: 4 minutas 31 Secundas.
cuntegn

Carola Rackete

Ella procura ils davos dis per lingias grassas: Carola Rackete la chapitania dal bastiment Sea-Watch 3. Ed uss è ella vegnida arrestada.

Carola Rackete ha 31 onns è da la Germania ed ha studià nautica. La chapitania da la Sea-Watch è ella pir dapi in onn. Avant lavurava ella tar Greenpeace.

Dapi varga duas emnas cursescha la Sea-Watch 3 avant l'insla Lampedusa. La Sea-Watch 3 è in bastiment che ha deliberà 42 fugitivs ord la mar avant la Libia. Matteo Salvini il minister da l'intern da l'Italia ha scumandà a la Sea-Watch 3 da sa fermar a Lampedusa. Malgrà il scumond ha la chapitania Carola Rackete decidì ier saira da sa fermar. Ella è immediat vegnida arrestada da la polizia taliana.

Tge che capita cun ils fugitivs n'è il mument anc betg cler. Ils dus cumediants Jan Böhmermann e Klaas Heufer-Umlauf han annunzià sin Twitter ch'els suprendian tut ils custs giuridics da Carola Rackete.

Dapli da «Il chavazzin dal di»

Scrollar a sanestra Scrollar a dretga