Charn or dal labor

La charn or dal labor schliass in problem global. Fitg bleras resursas vegnan duvradas per trair animals da niz. Ed i vegn quintà che la dumonda suenter charn creschia fin l'onn 2050 anc ina giada per 70%. Cun pudair producir la charn en il labor pudess ins evitar ch'adina dapli animals stuessan laschar lur vita per il consum da charn. Avant ch'igl è uschè lunsch, ston dentant anc insaquants problems vegnir schliads. Tranter auter ston ils custs da producziun vegnir reducids ed ils carstgauns ston vegnir persvas da la charn or dal labor.