Siglir tar il cuntegn

Header

audio
Chastè da Tarasp mida oz possessur.
ANR, B. Stecher
laschar ir. Durada: 03:09 minutas.
cuntegn

Chastè da Tarasp

Oz daventa Not Vital chastellan. L'artist da l'Engiadina Bassa daventa nov possessur dal chastè da Tarasp.

Cun la surdada da la clav va il chastè da Tarasp da la famiglia von Hessen a l'artist indigen Not Vital. I vegn ad esser in grond di.

Il chastè da Tarasp è in'istorgia plain midadas. Il 11avel tschientaner, pia avant 1000 onns, è il chastè vegnì bajegià. Suenter era el en possess per exempel dal cont dal Tirol, ils Austriacs u il 1803 aveva Napoleon surdà il chastè a la Republica helvetica. Pli tard è il chastè stà en possess da l'industrial da Dresden, Karl August Lingner. La famiglia von Hessen ha lura artà il chastè.

Il chastè da Tarasp ha ina muntada naziunala, è in monument istoric ed è ina gronda valur turistica per la regiun. 18'000 persunas visitan mintg'onn il chastè.