La Costa Rica en l'America Centrala è ina terra cun clima tropic ed ina biodiversitad ritga. 30% da la surfatscha stat sut protecziun da la natira, dals 26 parcs tutgan insaquants tar il patrimoni mundial da l'UNESCO. Las cuntradas da l'Atlantic en l'ost enfin al Pacific en il vest e la chadaina da muntognas da las Cordilleras cun ils vulcans en fitg variantas. L'eco-turissem è daventà in impurtant factur economic.
In'impurtanta pitga da l'economia è l'agricultura. La Costa Rica è il segund grond exportader da bananas da l'entir mund ed in producent da café. S'augmentada ils davos onns è la cultivaziun dad ananas, quai dentant sin donn e cust da l'ambient e dals lavurants.
La Costa Rica ha var 5 milliuns abitants, il linguatg uffizial è il spagnol. Il pajais vala sco Svizra da l'America Centrala pervia da sia democrazia stabila dapi ils onns 1950 e pervi da sia neutralitad politica.
