Siglir tar il cuntegn

Header

audio
Giulia Steingruber porta la bandera Svizra
Reuters
laschar ir. Durada: 3 minutas 41 Secundas.
cuntegn

Ils bandierels da Rio

Per la Svizra va la gimnasta artistica Giulia Steingruber tar la ceremonia d'avertura dals gieus olimpics ordavant a la delegaziun cun la bandiera. Ella è vegnida tschernida dal Chef de Mission dal team Svizzer Raph Stöckli e da Swiss Olympic. Autras terras tschernan auter lur bandierels.

Bleras terras laschan ir lur pli grond star cun la bandiera ordavant. Uschè porta per exempel il star da tennis Rafael Nadal la bandiera da la Spagna. Ed er ils Stadis Unids da l'America mettan sin Michael Phelps, il nudader e olympionic cun il pli grond success insumma - el ha schon gudagnà 22 medaglias olimpicas. En Germania decidan ils fans da sport ed ils atlets sez tgi che va cun la bandiera. Els pon eleger tranter tschintg candidats favorits. Quella giada è quai Timo Boll, il giugader da Ping Pong. Er l'Austria va dal reminent ordavant cun ina giugadra da Ping Pong, cun Liu Jia. Ella participescha schon per la tschintgavla giada a gieus olimpics. Ina «lieur» anc pli veglia è l'atleta da la Svezia Therese Althammar. Ella è gia sa participada a sis gieus olimpics - er ella porta la bandiera. Ina bandiera che vegn segir er a dar en egl è quella da l'Argentina. Luis Scola che porta ella è 2,06 meters grond, el è atlet dal team da basketball.

Dapli da «Il chavazzin dal di»

Scrollar a sanestra Scrollar a dretga