Suenter la segunda guerra mundiala hai dà blers schuldads cun blessuras – en spezial amputaziuns da bratscha u chommas. Er Franz Wendel, in veteran da guerra tudestg veva pers sia chomma. El ha dentant empruvà d'ir cun skis ed ha construì crutschas sco sustegn. Er en l'Austria ha in veteran da guerra emprendì d'ir cun skis schizunt cun avair amputà omaduas chommas. El ha lura fundà ina scola da skis per persunas cun handicap.
Para ski alpin en trais classificaziuns
En il sport da para ski alpin datti trais classificaziun. Atletas ed atlets ch'èn en pe, da quels che sesan e da quels ch'han in impediment da la vesida. Per far cursas fairas vala adina: pli ferm che l'impediment è e pli plaun che lura va.
