Intelligenza artifiziala è pli e pli derasada. Quai provochescha dumondas giuridicas, nus main a la tschertga da respostas che las leschas actualas porschan. Sco exempel gida il plant da Getty Images cunter Stability AI, ch'haja duvrà senza lubientscha 12 milliuns maletgs per trenar il generatur da maletgs Stable Diffusion.
Il professur da dretg a l'Universitad da Turitg, Peter Georg Picht, ha declerà a la NZZ ch'i saja da resguardar trais stgalims.
- Tar l'input vai per las datas che vegnan utilisadas per trenar la intelligenza artifiziala. Questas datas èn per part protegidas.
- Il sistem, pia il «code» dal program e co quel funcziuna. Da giuditgar è quant intelligents ch'il sistem è. Copiescha el be l'input u po el transponer infurmaziuns en «agens pleds»?
- L'output, qua vai per la dumonda tgi ch'ha la finala il dretg d'autur per il product creà da l'inteligenza artifiziala.
En mintga cas è dad esser precaut e betg duvrar maletgs u texts creads dad intelligenzas artifizialas senza sclerir ils dretgs.
