Siglir tar il cuntegn

Header

Legenda: Bus alpin
cuntegn

Bus alpin – ina app per reservar il viadi en il bus da viandar

La naiv sin las muntognas è per gronda part svanida e per blers munta quai: la stagiun da viandar ha cumenzà. Sch'ins vul ir cun ils meds publics, ston ins en tschertas regiuns reservar il bus gia avant. Fin uss è quai stà per telefon, ma en la Val Lumnezia datti uss ina app per quai.

En la regiun Val Lumnezia porscha il Bus alpin tar la lingia Vrin – Puzzatsch sco project da pilot ina app che ha num «Bus alpin». Cun questa app pon ins reservar e pajar il viadi direct online senza stuair telefonar, quai han communitgà las regiuns turisticas.

Questa app pon ins chargar giu tar Apple store u tar Google Play. Ella è gratuita e funcziunescha in zic sco Google Maps. Ins sa dar en il lieu e chatta uschia las colliaziuns. Ins sto era dar en quantas persunas e tge colliaziun ch'ins vul prender e sa lura direct pajar il viadi online.

Per in temp porscha la regiun anc in spazi da temp da glindesdi fin venderdi tranter las 08:00 e las 10:00 per anc pudair reservar per telefon.

En la Val Sumvitg e Valle di Blenio van ils bus anc normal senza app

En questas regiuns na datti questa app betg, perquai che là van ils bus senza stuair reservar.

Dapli da «Il Digitip - il tip digital»

Scrollar a sanestra Scrollar a dretga