Sch'ins lascha il cabel dal telefonin adina vid la biscla da contact n'è quai nagin grond problem. Ma i dat tuttina intginas chaussas da resguardar.
In cabel dovra energia, anc sch'ins n'ha betg vidlonder in apparat. Tar in cabel dad in telefonin è quai circa ina mes'ura kilowatt per onn. Quai è en cumparegliaziun circa ton sco ina maschina da lavar dovra per lavar ina giada sin 40 grads. Quei n'è betg uschè bler sin l'emprima egliada, ma sch'ins lascha chatschà en plirs cabels lura po quai summar.
Ils cabels n'èn per il pli era betg in grond privel. Dar quità duess'ins tar cabels pli vegls, cunquai che quels pon sa stgaudar. Blers brischaments en chasas capitan pervia da apparats electrics. Il motiv n'è dentant savens betg il cabel da chargiar, mabain la biscla da contact e che memia blers apparats èn vid la medema biscla.
