Siglir tar il cuntegn

Header

audio
clickandstop.ch duai gidar da scuvrir e persequitar dapli cas pedocriminals en l'internet.
Keystone
laschar ir. Durada: 3 minutas 42 Secundas.
cuntegn

clickandstop.ch – Nova plattafurma cunter pornografia cun uffants

La pagina d'internet porscha tranter auter la pussaivladad d'annunziar cuntegns pedocriminals a moda simpla ed anonima.

Far in'annunzia pon ins via in formular electronic nua ch'ins po endattar l'adressa d'internet cun ils cuntegns suspectus ubain era via chat e telefon. Plinavant porscha il team da clickandstop.ch era cussegliaziuns saja quai tar situaziuns criticas, cybermobbing u auters temas en connex cun violenza sexuala cunter uffants.

Collavuraziun cun posts federals

Las annunzias vegnan dadas vinavant als posts responsabels da la Confederaziun. Principalmain a l'Uffizi federal da polizia (Fedpol). Quels guardan lura sch'i sa tracta da cuntegns illegals ed instradeschan tut tenor proceduras penalas e che las paginas correspundentas vegnan serradas.

Purschida privata

Davos la nova plattafurma stattan las fundaziuns Guido Flury e Protecziun d'uffants Svizra. La raschun per fundar la pagina d'internet e la purschida è ch'i na deva en Svizra fin uss nagina pussaivladad uschè simpla ed anonima per annunziar cuntegns pedocriminals. L'idea è ch'i vegnan uschia chattads e persequitads dapli cas che fin uss. 

Dapli da «Il Digitip - il tip digital»avrir la landingpage

Scrollar a sanestra Scrollar a dretga