Siglir tar il cuntegn

Header

audio
Keystone
laschar ir. Durada: 3 minutas 46 Secundas.
cuntegn

Co proteger las datas en la rait

Bunamain 7 uras a di passentain nus en media online. Là vegn cun tut quai che nus faschain e tschertgain rimnà ina massa datas. 

Era sch'i fa magari l'apparientscha, l'internet e las medias socialas n'èn betg dal tut meds gratuits. La rauba èn ils utilisaders e las utilisadras. Cun tut las datas che vegnan rimnadas vegn fatg fatschenta. Ils concerns protocolleschan exact tge che vegn fatg nua. Pia quant ditg ch'ins resta sin paginas, tge che vegn tschertgà, tge che nus cumprain, tge contacts ch'ins ha e tge che plascha.

Uschia vegnan creads profils dals utilisaders e las utilisadras che vegnan nizzegiads per exempel per tschentar reclamas. 258 milliardas dollas ha google gudagnà uschia il davos onn e facebook 118 milliardas.

Tge far sch'ins vul proteger las datas en la rait 

  • Publitgar uschè pauc sco necessari sin accounts en las raits socialas
  • Duvrar per mintga account e mintga plattafurma in auter pled clav
  • Nizzegiar in segir pled clav, cun segns gronds e pitschens, cifras e segns spezials ed actualisar quels uschè bler sco pussibel
  • Nizzegiar browsers segirs e discrets per la tschertga en la rait
  • Adina puspè stizzar l'istorgia da la tschertga dal browser
  • Betg acceptar cookies da paginas ed adina puspè stizzar els

Dapli da «Il Digitip - il tip digital»avrir la landingpage

Scrollar a sanestra Scrollar a dretga