Siglir tar il cuntegn

Header

audio
il biro digital
Keystone
laschar ir. Durada: 6 minutas 16 Secundas.
cuntegn

Il biro digital - tut senza palpiri!?

In biro digital, senza palpiri tuna gea bain: nagin caos pli cun chartas, notizias, quints e documents. I dat dentant er dischavantatgs che pledan cunter ina digitalisaziun totala en biro.

Il perscrutader dal tscharvè Henning Beck di ch'umans dovran in tschert dischurden ed era in pau palpiri per esser creativs. Ils umans pensian da maniera tridimensiunala. Sch'ins guardia be sin il visur plat pateschia il tscharvè. Pia il tschert «caos creativ» è bun. Plinavant èsi cumprovà ch'ils umans memoriseschan meglier chaussas scrittas si a maunc che en furma digitala. Per process creativs cusseglia il perscrutader dal tscharvè da lavurar cun palpiri a moda analoga.

Co tegnair urden?

Per l'expert dal minimalissem Selim Tolga predomineschan ils avantatgs dal biro digital. «Ins ha adina tut ils documents tar sai, i n'emporta betg, nua ch'ins è.»
Per ch'il midament al biro digital funcziuna, ha Tolga trais tips: 

  • la gista tenuta: decider svelt tge chins vul far cun mintga document – salvar sin palpira, digitalisar ubain dismetter
  • ina buna applicaziun per scannar tut ils documents
  • arcunar ils scans en ina maniera ch'els èn facils da chattar pli tard, per exempel en la cloud

Vita pli patgifica

Er lautura canadaisa Angela Crocker che sa fatschenta dapi blers onns cun la digitalisaziun, cusseglia da tgirar la datas, uschiglio as daventia in «messie digtal». Ella cusseglia per exempel da stizzar mintga saira u ina giada l'emna fotografias u documents nunnecessaris. Il medem vala er per l'ordinar chaussas ch'ins vul salvar. Crocker è persvasa. «Tgi che sa co ch'ins va enturn cun datas digitalas, na lavura betg be en moda pli effizienta, mabain ha cunzunt er ina vita pli patgifica.»

Quai munta ch'i dovra ina tscherta disziplina per tegnair urden. Quai vala tant per il biro digital sco er per la varianta analoga. E dal reminent: Van ins tenor la scienzia na duess ins betg structurar ils cuntegns en dapli che set ordinaturs da basa e quels na duain er betg cuntegnair dapli che set sut-ordinaturs. Quai è la capacitad che noss tscharvè dumogna. 

Dapli da «Il Digitip - il tip digital»

Scrollar a sanestra Scrollar a dretga