Siglir tar il cuntegn

Header

Audio abspielen
cuntegn

In protectur durant la notg

A bleras persunas èsi malempernaivel dad ir durant la notg tras las vias. Ils patratgs nauschs da vegnir spoglià sgulatschan durant l'entir temp tras il chau. L'applicaziun «WayGuard» vul dar dapli segirtad a las persunas tementadas.

In clic sin l'applicaziun ed in team professiunal consistent da persunas realas surveglia lura la persuna sin via grazia a GPS enfin ch'ella arriva a chasa. Uschia funcziuna WayGuard. Il team professiunal sa chatta en Germania dentant funcziuna il service er en Svizra.

Adina en contact

Via app pon ins directamain sa colliar e sch'ins vul era telefonar al team WayGuard per sa sentir pli segir durant il viadi. Tut tenor cas durgenza po il team da Wayguard era directamain infurmar l'ambulanza u la polizia. L'avantatg da far quai via WayGuard è ch'il team po dar vinavant las coordinatas exactas. Uschia che l'agid arriva pli spert. Tgi che na vul betg ch'il team persequitescha la situaziun sa era dar vinavant las coordinatas a collegas. Dentant ston quels era avair installà l'applicaziun.

In service gratuit

L'applicaziun WayGuard è vegnida sviluppada da la assicuranza AXA. Suenter avair creà in conto online pon ins utilisar il service gratuitamain. Quai vala era per persunas che n'èn betg client tar l'assicuranza. Tenor l'AXA saja quai in da lur programs da prevenziun che stat a disposiziun ad in e scadin. Ins po telechargiar l'applicaziun via App Store u Google Play Store.

Dapli da «Il Digitip - il tip digital»avrir la landingpage

Scrollar a sanestra Scrollar a dretga