Durant la pandemia da corona n'èn sesidas u scolaziuns virtualas daditg nagut nov pli. Per pudair far quellas sesidas uschè interessantas u effizientas sco pussaivel porschan ils programs differentas funcziuns.
En ina sesida da Skype, Teams u Zoom pon ins per exempel midar ora il conturn, il background. Durant ina sesida po quai perquai esser in grond avantatg, cunquai che in conturn malruassaivel po esser ina gronda distracziun per quels che fan part ad ina sesida virtuala.
Ils filters che midan la fatscha èn plitost per divertiment. Quels pon ins activar en il program da Zoom. Tar Skype u Teams dovri ina applicaziun per pudair activar quels.