Siglir tar il cuntegn

Header

audio
Gist la saira fissi bun d'evitar glisch blaua.
Keystone
laschar ir. Durada: 3 minutas 5 Secundas.
cuntegn

Modus da notg – betg per tuts in avantatg

Per sa proteger da glisch blaua pon ins tschentar blers apparats sin in uschenumnà modus da notg u modus stgir. Quel n'è dentant betg per tuttas e tuts in avantatg. 

Cun il modus da notg glischa il visur en colurs pli chaudas enstagl da pixels da glisch blaua sco en il modus da standard. Lez fa ch'il corp na producescha betg uschè bain il hormon melatonin che nus duvrain per durmir. Il modus da notg duai pia esser pli empernaivels per il corp avant che ir a durmir, quai empermettan almain producents da telefonins.

Modus da notg po esser in problem per tgi che vesa mal

Per tuttas e tuts n'è il modus da notg dentant betg in avantatg, sco divers portals online scrivan. Gist per tgi che vesa mal è il modus da notg tut tenor stentus cunquai che la pupilla da l'egl sa schlargia per vesair las infurmaziuns. Tar persunas che vesan mal poi lura esser ch'ins na vesa betg bain ils detagls. Quai munta lura in pli grond sforz per l'egl che la glisch blaua en il modus da standard. Il modus da notg è pia betg per in e scadin ina buna soluziun. I vala d'empruvar ora e decider tut tenor tge modus ch'è il pli empernaivel.

Dapli da «Il Digitip - il tip digital»avrir la landingpage

Scrollar a sanestra Scrollar a dretga