Siglir tar il cuntegn

Header

audio
Keystone
laschar ir. Durada: 8 minutas 59 Secundas.
cuntegn

Pajar cun smartphone – tge datti e nua èn ils crutschs?

Da pajar cun smartphone vegn adina pli popular en Svizra. Tge è pussaivel e nua én ils cunfins?

Entant nizzegia gia bunamain la mesadad da la populaziun Svizra (4 milliuns persunas) la pli populara applicaziun da pajar cun il telefonin, Twint. Quai porscha divers avantatgs sco p. ex.:

  • pajar sco cun cartas
  • pajar il parcadi
  • trametter daners in a l'auter
  • pajar via smartwatch

I dat però er in u l'auter dischavantatg ubain chaussas ch'ins duess resguardar areguard la segirtad. Cumpareglià cun la carta da banca che lubescha per regla pajaments fin 80 francs senza stuair dar lubientscha porscha il pajar via applicaziun ulteriuras mesiras da segirtad sco il code ubain ina identifiacziun via datas biometricas. Tuttina èsi da resguardar ch'il telefonin cun tut sias colliaziuns porscha er diversas pussaivladads per attatgar ed engular datas.

In auter dischavantatg è che applicaziuns da differents purschiders n'èn savens betg cumpatiblas ina cun l'autra ubain ch'ina appliacziun è liada vid in sistem, ina banca u in apparat. E las fatschentas decidan er sezzas tge sistem ch'ellas acceptan. Perquai avant da cumenzar cun pajaments via apps sin il telefonin:

  • s'infurmar tge applicaziun che porscha quai ch'ins vul
  • tge èn las cundiziuns per duvrar
  • ponderar tge contos da banca ch'ins vul colliar cun las applicaziuns sin il telefonin

Dapli da «Il Digitip - il tip digital»

Scrollar a sanestra Scrollar a dretga