Siglir tar il cuntegn

Header

audio
Ils culms en l'ost da Cuira.
RTR/screenshot swisstopo
laschar ir. Durada: 5 minutas 34 Secundas.
cuntegn

Piz … – Co ha quel num?

L'atun cumenza bainbaud e blera glieud vegn tratga en las muntognas. Forsa è là enconuschent in u tschel piz, ma da tegnair endament tut ils nums da culms e pizs n'è strusch pussaivel. 

Nagin agid da memorisar ils nums, dentant per chattar in num da piz giavischà, èn differentas apps da telefonin.

In da quels guids da muntogna digitals è l'app swisstopo da l'Uffizi federal da topografia.

Enstagl da be guardar sin la charta «classica» topografica da surengiu cun l'indicaziun dals lieus, nums e culms pon ins er laschar mussar in maletg real – enritgì cun ils nums e las autezzas dals pizs. 

Perquai èsi simplamain da 

  • smatgar sura dretg sin il culm cun frizza 
  • dar liber sin il telefonin la localisaziun e la camera (l'emprima giada)
  • drizzar ora la camera sin piz giavischà
  • posiziunar las conturas dals culms tenor la topografia reala
  • leger il num e giudair vinavant :)

L'applicaziun swisstopo stat a disposiziun per iOS ed Android ed è fin la fin 2021 vegnida chargiada giu passa ina milliun giadas.

Dapli da «Il Digitip - il tip digital»

Scrollar a sanestra Scrollar a dretga