Siglir tar il cuntegn

Header

Audio abspielen
cuntegn

«PubliCar» – la app per reservar il bus la saira a Tusaun ed Andeer

Dapi ils 12 d'avrigl ha AutoDaPosta midà sia purschida da la saira per ils bus regiunals davent da Tusaun ed Andeer. Bus pitschens curseschan là uss be pli sin dumonda e quai tenor l'urari dal traffic ch'ins chatta sin sbb.ch.

Tgi che vul pia viagiar la saira suenter las 19:30 naven da u vers Tusaun u Andeer, quel po reservar ses viadi cun la app «PubliCar». Questa app funcziunescha tut simpel: Suenter ch'ins è sa registrà, pon ins selecziunar, cura e nua ch'ins vul viagiar e lura tschertga la app gist ina colliaziun. Cun cliccar sin «cudeschar» è il viadi gia reservà.

Ils avantatgs da far la reservaziun cun la app e betg via telefon èn, ch'ins po far la reservaziun cur ch'ins vul e cun in pèr clics pon ins, sch'ins sa decida auter er puspè stizzar il viadi. Impurtant è simplamain ch'ins fa la reservaziun u er ina eventuala annullaziun d'in viadi in'ura ordavant – e tranter Valragn e Tusaun duas uras ordavant. Sin la app vesan ins lura curt avant il viadi, nua ch'il bus è gist. E sch'ins ha activà la funcziun da pushs, survegn ins ina notiza en cas ch'il bus ha retard.

PubliCar Tusaun datti sin las suandantas lingias:

  • 501 Tumegl/Tomils, Churschiglias–Sched Sura–Trans–Veulden
  • 511 Tusaun–Cazas–Giuvaulta/Rothenbrunnen
  • 512 Tusaun–Seglias–Giuvaulta/Rothenbrunnen
  • 531 Tusaun–Tschappina Sura
  • 532 Tusaun–Preaz
  • 541 Tusaun–Andeer–Valragn
  • 551 Andeer–Ziràn–Farden
  • 552 Andeer–Farera, Calantgil/Innerferrera
  • 570 Tusaun–Casti–Bravugn

Dapli da «Il Digitip - il tip digital»avrir la landingpage

Scrollar a sanestra Scrollar a dretga