Siglir tar il cuntegn

Header

audio
Streaming
RTR
abspielen. Laufzeit 4 minutas 1 Sekunde.
cuntegn

Quant ecologic è far il streamen?

Igl è insatge che mintgin da nus fa probabel – il streamen. Ma quant ecologic è il streaming propi?

Mintga clic, mintga pagina, mintga chanzun e mintga filmin dovra energia. La blera da quella energia dovra dentant il streaming da videos. Passa la mesadad dal traffic da datas en l'internet èn videos. Streamen dovra energia, blera energia. En temp da digitalisaziun e pandemia è il consum digital creschì enorm.

Tenor stimaziuns dovra il streaming da videos per onn radund 200 milliardas kWh. Quai è bunamain tuttina bler sco tut las chasadas da la Germania, l'Italia e la Pologna ensemen. En consequenza ha il diever ed il consum er ina gronda influenza sin las emissiuns da CO2 ed il clima.

Co reducir il diever d'energia

  • Consumar pli pauc
  • Guardar sur WLAN – betg sur l'internet mobil. En general: pli effizient che l'internet è, damain energia ch'el dovra.
  • Chargiar giu la musica ch'ins taidla savens, enstagl da far il streamen ella mintgamai da nov
  • Reducir la qualitad dal streaming. I na sto betg adina esser 8K – er damain tanscha.
  • Serrar applicaziuns sin il telefonin, ch'ins na dovra betg. Er sch'ellas na vegnan betg nizzegiadas activ, dovran ellas energia.

En general vala dentant propi: reducir il consum e consumar pli conscient. Sch'ins mira in film, metter davent il telefonin e consumar mo ina chaussa.

Dapli da «Il Digitip - il tip digital»avrir la landingpage

Scrollar a sanestra Scrollar a dretga