En general èsi da differenziar tranter enquistas representativas ed enquistas simplas. Vul dir: simplas enquistas da gea u na, ni dumondas suenter opiniuns, sco ì dat savens tar il Tages Anzeiger, Blick ni SRF. Quellas pon numnadamain vegnir manipuladas detg simpel e senza grondas stentas. Ord quest motiv èn quellas adina da valitar cun precauziun.
Auter èsi tar enquistas representativas, sco per exempel enquistas che vegnan fatgas da la SRG u er Tamedia ensemen cun ils instituts da perscrutaziun GfS Berna ni er Sotomo. Quellas n'èn betg da cumparegliar cun quellas sin las paginas d'internet. Ellas vegnan fatgas tenor ina metodica scientifica e sa basan sin ina cumbinaziun dad enquistas online ed enquistas per telefon. Bain pon las enquistas online er qua vegnir manipuladas, dentant pon ils instituts filtrar or irregularitads.
