Il test «Ready to bike» ha la federaziun naziunala da velos «Swiss Cycling» lantschà ussa, cun l'entschatta da la stagiun da velo.
In pitschen test da las abilitads dad ir cun velo. Il test sco quiz online cumpiglia dumondas ed exercizis davart las abilitads dad ir cun velo, quant spert ch'ins reagescha, però era savida tecnica.
Il test è survesaivel cun 20 dumondas ch'ins po far vi dal computer ed era al telefonin. A la fin resulta lura in'evaluaziun dals resultats e recumondaziuns per curs e trenaments per optimar sia savida.
Concurrenza colliada cun marketing
A la fin dal test han ins er la pussaivladad da sa participar ad ina concurrenza nua ch'i dat da gudagnar mintga mais in bon da 100 francs. Sco savens vegnan ins en quest connex dumandà per las datas persunalas e per dastgar duvrar quellas per reclama suenter ch'ins è sa participà. Sch'ins sa participescha a la concurrenza e na fa nagut, dastgan la federaziun naziunala da velo e ses partenaris (diversas firmas) duvrar las datas per far reclama. Positiv è che quai vegn communitgà transparentamain. Pia tgi che legia las cundiziuns è infurmà. Negativ è la furma ch'ins sto – sch'ins fa la concurrenza – scriver suenter in mail per scumandar da duvrar las datas per intents da marketing. Ina pratica che vegn anc mintgatant duvrada, sa chatta da la lescha anor en ina zona grischa e n'è betg propi scumandada en Svizra.
Il test per sensibilisar per ils privels e sfidas sin il velo pon ins però er far senza sa participar a la concurrenza ed uschia pon ins er evitar l'entira istorgia cun reclama tut tenor betg giavischada.
In pitschen test da las abilitads dad ir cun velo. Il test sco quiz online cumpiglia dumondas ed exercizis davart las abilitads dad ir cun velo, quant spert ch'ins reagescha, però era savida tecnica.
Il test è survesaivel cun 20 dumondas ch'ins po far vi dal computer ed era al telefonin. A la fin resulta lura in'evaluaziun dals resultats e recumondaziuns per curs e trenaments per optimar sia savida.
Concurrenza colliada cun marketing
A la fin dal test han ins er la pussaivladad da sa participar ad ina concurrenza nua ch'i dat da gudagnar mintga mais in bon da 100 francs. Sco savens vegnan ins en quest connex dumandà per las datas persunalas e per dastgar duvrar quellas per reclama suenter ch'ins è sa participà. Sch'ins sa participescha a la concurrenza e na fa nagut, dastgan la federaziun naziunala da velo e ses partenaris (diversas firmas) duvrar las datas per far reclama. Positiv è che quai vegn communitgà transparentamain. Pia tgi che legia las cundiziuns è infurmà. Negativ è la furma ch'ins sto – sch'ins fa la concurrenza – scriver suenter in mail per scumandar da duvrar las datas per intents da marketing. Ina pratica che vegn anc mintgatant duvrada, sa chatta da la lescha anor en ina zona grischa e n'è betg propi scumandada en Svizra.
Il test per sensibilisar per ils privels e sfidas sin il velo pon ins però er far senza sa participar a la concurrenza ed uschia pon ins er evitar l'entira istorgia cun reclama tut tenor betg giavischada.
