Siglir tar il cuntegn

Header

audio
Keystone
laschar ir. Durada: 6 minutas 16 Secundas.
cuntegn

Social Engineering, las traplas digitalas

«Phishing» è enconuschent als blers, ma quai è be ina da las metodas dal «Social Engineering». Il Digitip mussa tgè metodas ch'i dat uschiglio anc ed era tge ch'ins po far encunter.

Tut las metodas dal social engineering han la medema premissa: il carstgaun è l'element il pli flaivel en la chadaina da segirtad. Ils criminals emprovan da crear in scenario uschè realistic sco pussaivel per la persuna pertutgada, uschia che lezza na vegn betg sin l'idea che insatge na constat betg. I dat per exempel la metoda dal dumpster diving, pia da sfugatar en il rument digital, ma era propi en il rument da persunas per chattar infurmaziuns. Cun las infurmaziuns, per exempel da stgatlas da pizzas, pon ils criminals lura preparar mails cun in gudogn da questa pizzeria nua ch'il client dat en sias datas persunalas.

Sa proteger pon ins cun esser attent. Leger bain mails e controllar da tgi che quels vegnan propi e tar links betg simplamain smatgar, mabain er là controllar sche quest link constat.

En general èsi d'esser precaut e betg dar vinavant infurmaziuns sensiblas al telefon u a persunas ch'ins n'enconuscha betg.

Dapli da «Il Digitip - il tip digital»

Scrollar a sanestra Scrollar a dretga