Il carnaval alternativ

L'emna che vegn cumenzan en blers chantuns las vacanzas da sport. E quai er en il Tessin. Ma, en il Tessin n'han quellas betg num vacanzas da sport, mabain vacanzas da carnaval. Quest num demussa en in tschert senn l'impurtanza dal carnaval per il Tessin. Ma quest onn è quai tuttina, ils carnavals n'han betg lieu u almain betg en lur versiun tradiziunala. I vegn però organisà carnavals alternativs cun iniziativas per far viver almain in pa il «flair» da questa festa en version «homeedition».