Muralto venda las maisas da scola veglias

Las vacanzas da scola èn er a fin en il Tessin e dapi l'ultim glindesdi van ils uffants puspè a scola. Il cumenzament da la scola è tant per ils uffants sco er per ils geniturs ina gronda chaussa. En in tschert senn turnan ils geniturs enavos en il temp, cura ch'els eran anc sezs scolars e bleras regurdientschas vegnan puspè endament. Ils pli nostalgics pon uss schizunt cumprar lur maisas da scola. La scola da Muralto Locarno che ha numnadamain cumprà novas maisas e venda las veglias ch'èn oramai daventadas vintage.