«Patent Ochsner» fa concurrenza al «Buskers» a Berna

«Scharlachrot» u «Belpmoos», questas chanzuns audan ins l'entschatta d'avust mintga saira live en la citad da Berna. La band bernaisa «Patent Ochsner» suna numnadamain questa stad gist 7 giadas en il Mattequartier sper l'Aare. Ils bigliets per ils concerts èn stads vendids ora entaifer 3 minutas. Dentant: Betg tuts sa legran da questa gronda preschientscha da la band da cult.

Pertge en il medem mument marscha anc il festival stradal Buskers en la citad veglia. Ils organisaturs e las organisaturas teman che la glieud vul mo pli tadlar da la citad veglia sura il concert damanaivel giu dal flum.