«Phänomena» a Turitg vul puspè attrair fullas da glieud

Tgi ch'ha 45 onns e dapli sa regorda anc da la «Phänomena», ina enorma exposiziun sper il Lai da Turitg che ha gì lieu l'onn 1984. La Phänomena è stada in parc da divertiment, nua che gronds e pitschens savevan far experiments scientifics – e durant giugar emprender ina massa. Ussa vul ina gruppa d'iniziants lantschar ina segunda ediziun da la Phänomena.