11.02.2026, 06:40 Ura - «Tè da ibiscus» da Selina Beghetto

Selina Beghetto (*1989) è creschida si a San Murezzan. Suenter onns da studi a Vienna, Pisa e Berna ha ella lavurà tranter auter sco dramaturga da saut per il teater da Son Gagl, ella è curatura dal program per il festival da saut «Steps» e lavura tar la promoziun da litteratura e teater dal chantun Basilea-Citad. Daspera scriva ella texts litterars per magazins, publicaziuns e projects d’art e moderescha occurrenzas culturalas. Per l’emissiun «Impuls» scriva ella dapi 2022.