Ina pizza per Vrin - Lucian Alig – in fan da tut las cuschinas
La gastronomia ha patì ferm durant la pandemia. Lucian Alig ha dentant profità quest temp per realisar ses siemi. Renovar l'ustaria da famiglia «Restaurant della Posta» a Vrin e daventar ustier. El ha cumenzà a far pizzas per purtar a chasa, ed uschia è el daventà l'emprim pizzaiolo da Vrin.
El pudess lavurar en in grond hotel da stailas en Svizra, u ir en l’exteriur a la chatscha da stailas da distincziun. Lucian Alig è dentant sa decidì per la tradiziun.
audio
L'ustier da la «specie rara»
09:07 min, ord Nossa cuschina dals 07.06.2023.
Maletg: RTR
laschar ir. Durada: 9 minutas 7 Secundas.
Suenter il giarsunadi sco cuschinier ha el prendì a fit l’hotel Péz Terri a Vrin. Tschintg onns pli tard avess Lucian Alig bunamain cumenzà la scolaziun da spezialist d’hotellaria a Passugg. Paucas emnas avant ha il cor dal Lumnezian dentant decidì auter.
Jau hai realisà che quai n'era betg mia via. Mia vita è a Vrin, qua vi jau lavurar e viver.
Nagina branscha n'ha pati uschè ferm da la pandemia sco la gastronomia. Il cumenzament da la pandemia ha Lucian Alig profità per realisar ses siemi. Renovar l’ustaria da famiglia. Quai ha el fatg a moda miaivla laschond vesaivel detagls dal passà. Uschia sa chatta ina bella pigna scalegl da l’onn 1892 en l’ustaria da la Posta a Vrin.
audio
Tradiziun e moderna
08:10 min, ord Nossa cuschina dals 14.06.2023.
Maletg: RTR
laschar ir. Durada: 8 minutas 10 Secundas.
Lucian Alig è suandà a ses antenats, e maina ussa en tschintgavla generaziun il «Restaurant della Posta». Anc oz stat questa inscripziun sur l'isch-chasa da l'ustaria.
Mes grond plaschair è da pudair porscher a las persunas da Vrin in lieu da sentupada.
audio
«Macrons» e spezzarias da la chasa
04:36 min, ord Nossa cuschina dals 21.06.2023.
Maletg: RTR
laschar ir. Durada: 4 minutas 36 Secundas.
Ses urat, ch'era magister e colonel aveva avert l’ustaria avant passa 130 onns. Il talent da servir al giast, cordialitad ed empatia èn valurs che sia mamma e sia tatta han mess en tgina a Lucian Alig.
Far pizza per purtar a chasa è stà ina necessitad, oz maglian tut ils da Vrin pizza.
Oz è Lucian Alig persvas ch'el ha prendì la buna decisiun. El è conscient da las valurs che l’ustaria ha per la cuminanza e per la societad da Vrin. L'ustier sesa dentant er fitg gugent a maisa cun giasts da vacanzas.
audio
Ina pizza per Vrin
06:25 min, ord Nossa cuschina dals 28.06.2023.
Maletg: RTR
laschar ir. Durada: 6 minutas 25 Secundas.
Durant il zercladur ans preschenta Lucian Alig sia ustaria e sia filosofia da manar l’ustaria cun cuschina simpla, indigena e persistenta.
1 / 10
Legenda:
Capuns, la tradiziun che fa litgar la bucca era als giasts
Capuns n'èn betg sin la carta da menu en l'ustaria la Posta, ma il recept chattais vus qua sut.
Lucian Alig
2 / 10
Legenda:
Products indigens e genuins servids sin taglier da lenn
Ils products indigens stattan en il center da la cuschina da Lucian Alig.
Lucian Alig
3 / 10
Legenda:
Salata da tomata e mozarella cun figs
Creativitad sin il taglier. Lucian Alig tschenta accents cun flair e gust.
Lucian Alig
4 / 10
Legenda:
«Vrinerlis» per il di da la mamma
Ina lavur che vul bler inschign e dedicaziun. Ils «Vrinerlis» èn delizius, sulet en ina ediziun limitada.
RTR
5 / 10
Legenda:
L'inscripziun da l'ustaria Posta è anc l'originala da pli baud
Lucian Alig è superbi da pudair manar l'ustaria da famiglia en la tschintgavla generaziun.
RTR
6 / 10
Legenda:
Pizza da la Posta cun chaschiel frestg e schambun da Vrin
Sin la stad vul Lucian Alig stgaffir ina nova creaziun: la pizza Vrin. Bun appetit!
RTR
7 / 10
Legenda:
Creaziuns dultschas e piccantas da Lucian Alig
Confituras e spezarias da tut gener. Lucian Alig ha in bel sortiment da products creads en sia cuschina.
RTR
8 / 10
Legenda:
Paun cun paira tutga tar la purschida d'atun
La petta cun paira fatga da Lucian Alig.
RTR
9 / 10
Legenda:
Licurs ed ielis tutgan tar il sortiment da Lucian Alig
Las ideas na mancan betg a l'ustier da Vrin.
RTR
10 / 10
Legenda:
Lucian Alig en l'element en sia cuschina
La cuschina da l'ustaria da la Posta è gist a l'entrada da l'ustaria.
RTR
