-
Bild 1 von 11. Paun da ragisch fatg a chasa. Bildquelle: RTR, Gaby Degonda.
-
Bild 2 von 11. Paun cotg en furma da cheramica. Bildquelle: RTR, Gaby Degonda.
-
Bild 3 von 11. Bel e bun – paun frestg. Bildquelle: RTR, Gaby Degonda.
-
Bild 4 von 11. Paun frestg, petta ed ervas frestgas. Bildquelle: RTR, Gaby Degonda.
-
Bild 5 von 11. Visitas sin chamona – la lieur è arrivada. Bildquelle: Claudine Dermond.
-
Bild 6 von 11. Claudine Dermond ha in bun maun per endrizzar e decorar a moda creativa – collecziun dad andinas da plastic. Bildquelle: RTR, Gaby Degonda.
-
Bild 7 von 11. Petta e paun, pront per la marenda. Bildquelle: RTR, Gaby Degonda.
-
Bild 8 von 11. Ovs da Pasca cun colur naturala. Bildquelle: Claudine Dermond.
-
Bild 9 von 11. Pront per in brunch – trais sorts da paun fatg a chasa. Bildquelle: Claudine Dermond.
-
Bild 10 von 11. Trais pastas per trais sorts da paun. Bildquelle: Claudine Dermond.
-
Bild 11 von 11. La chamona dals Dermonds en Val S. Pieder. Bildquelle: Claudine Dermond.
«Igl avrigl è il mais che jau chat temp per mes dus da chasa. Per ina la chasa a Rueun e sco segund per nossa bella chasina sin 1'900 meters sur mar a Stafelti en Val s. Pieder», di Claudine Dermond. En sia cuschina savuri fitg savens da paun frestg, da bunas turtas e pettas. Uschia era il di che RTR ha pudì far visita a Rueun. Claudine viva cun ses um Remo e lur uffants creschids Leonie e Leandro en in quartier nov giudim il vitg da Rueun.
Primavaira è per mai, baiver il café avant chasa en il sulegl.
Malgrà che Claudine Dermond lavura parzialmain, chatta ella adina temp per ses hobis. Ses talent creativ sa mussa en e davant chasa. Ma er las bellas ovras d’arschiglia brischada u las gravuras gracilas en vaider tradeschan ses talent e bun maun. Claudine tutga tar la squadra da persunal da l'ustaria da gourmet Stiva Veglia a Glion Strada.
Far paun è mia grona passiun.
Ed era sch'ella po savens dar in cuc en cuschina dal cuschinier da gourmet, sa concentrescha la dunna da 50 onns sin ina cuschina modern-tradiziunala per sia famiglia. Per il mais da avrigl ans preschenta Claudine ina cuschina simpla, frestga e colurada per celebrar la primavaira: Recepts da paun, pasta e pulaster.