L'instrumentala va oz en il stadion. Noss motto: Laschar reviver intginas melodias da campiunadis mundials u europeics da ballape dal passà, mo era melodias da parti, simplamain chanzuns che mintga fan da ballape enconuscha.
Musicantas e musicants da tut il mund èn pronts e sunan per vus melodias sco «Waka Waka», «We Are The Champions» e «Three Lions (Footballs Coming Home)». E natiralmain sco emprim toc «Hopp Schwiiz» da Polo Hofer, ina versiun instrumentala sco fatga per sa stgaudar per il matsch da questa saira.