Dapi bunamain 20 onns pon ins «cumprar» ina zona da pressiun bassa u ina da pressiun auta. Quai tar l'Institut da meteorologia da l'Universitad libra da Berlin. Ils nums da quellas zonas vegnan duvradas en tut l'Europa centrala. Exempels enconuschents d'ils davos onns èn Sabine, Michaela u er Burglind.
Nums per las zonas da pressiun datti schon ditg. Quels èran dentant mo enconuschents tar ils meteorologs e las meteorologas. Pir suenter che l'orcan «Vivian» ha il 1990 suflà tras l'Europa èn ils nums vegnids pli enconuschents.