Cun mulscher trais giadas ha la vatga da la razza Girolando - ch'è ina cruschada tranter Holstein Switzerland e Gir da l'India - dà bunamain 130 liters latg. Quai è passa quatter giadas dapli che quai ch'ina vatga dat per ordinari. Quella enorma quantitad è lunsch davent da la lezia oriunda dal latg-vatga, numnadamain da nutrir il vadè. Quel baiva tut tenor vegliadetgna e cundiziun be tranter 8 e 16 liters per di.
Per bunamain 40 onns ha in'autra vatga tegnì il record mundial cun 110 liters: numnadamain la vatga cubana Ubre Blanca. Translatà per rumantsch è quai iver alv. Er ella era ina cruschada tranter Holstein e Gir e vegniva numnada la vatga da Fidel Castro.
Per el era quella vatga in mussament per la buna tratga en il temp dal communissem. Ins ha vulì clonar ella, quai che n'è dentant betg reussì. Ubre Blanca è vegnida durmentada en la vegliadetgna da 13 onns. Ma anc oz pon ins vesair ella a l'entrada dal center per sanadad da vatgas, 14 kilometers davent da Havanna, la citad principala Cuba. Là stat il preparat en ina vitrina da glas climatisada.
Per bunamain 40 onns ha in'autra vatga tegnì il record mundial cun 110 liters: numnadamain la vatga cubana Ubre Blanca. Translatà per rumantsch è quai iver alv. Er ella era ina cruschada tranter Holstein e Gir e vegniva numnada la vatga da Fidel Castro.
Per el era quella vatga in mussament per la buna tratga en il temp dal communissem. Ins ha vulì clonar ella, quai che n'è dentant betg reussì. Ubre Blanca è vegnida durmentada en la vegliadetgna da 13 onns. Ma anc oz pon ins vesair ella a l'entrada dal center per sanadad da vatgas, 14 kilometers davent da Havanna, la citad principala Cuba. Là stat il preparat en ina vitrina da glas climatisada.
