15 milliardas videos sin Youtube

Quest onn ha la plattafurma da Videos festivà ses anniversari da 20 onns. L’idea oriunda è stada da far ina plattafurma cun videos per chattar in partenari pia ina sort «Tinder» cun videos. Quai n’ha dentant betg funcziunà sco giavischà. Uschia che la plattafurma è suenter in’emna vegnida dada libra er per auters cuntigns. Ils 23. Avrigl 2005 è il pli emprim video vegnì chargià sin la plattafurma. Quel video da 19 secundas era dentant main spectacular. In giuven en il zoo da San Diego ch’e avant il curtin dad elefants e constatescha ch’elefants han trombas extrem lungas. Entant è quai sa midà in zic – la plattafurma ha oz circa 15 milliardas videos da tuttas sorts.