La «racheta» datti gia passa 50 onns. Anc oz è il glatsch cun gust d'ananas ed oranscha e cun la testa da tschigulatta fitg popular en Svizra. Mintg'onn vegn vendì 8 milliuns rachetas, quai vul dir quasi mintga Svizzer e mintga Svizra dal pop fin la basatta mangia durant in onn ina «racheta».
Producì vegn igl glatsch popular fin oz a Rorschach, e quai anc adina tenor il recept original e cun la medema maschina che sa numna «Polo». E sch'il consum da las rachetas cuntinuass sco fin uss, duvrassi anc circa 160 onns fin che tut las rachetas producidas cun lur lunghezza da 14 centimeters messas ina suenter l'autra cuntanschessan la glina.
