Mintgonn puspè il medem. Ils gronds clubs dal ballape avran la bursa gronda per cumprar giugaders. Er durant la fasa da transfers da questa stad han ils clubs puspè investì, tut en tut, milliardas en novs giugaders. Il pli char giugader è stà Antony che ha midà club per 95 milliuns euros.
Guardà sin las equipas è Chelsea stà il club che ha investì il pli bler durant questa stad. En tut ha il club da Londra dà or 267 milliuns euros per novs giugaders.
Il pli char transfer da tut il temp hai dentant dà la stad 2017. Lura ha Paris Saint-German pajà 222 milliuns euros per Neymar dal FC Barcelona.