Siglir tar il cuntegn

Header

audio
Keyston SDA
laschar ir. Durada: 3 minutas 9 Secundas.
cuntegn

La cifra 540 giadas «Svizra»

La Svizra Francona, Little Switzerland u Nueva Helvecia: Il mund e plain cuntradas ch'èn numnadas tenor la Svizra. Tut en tut datti 540 «Svizras» derasà sin l'entir mund. 

Passa tschient «Svizras» datti mo schon en Germania, per exempel la Svizra Francona ubain la Svizra Saxonona. En Frantscha datti la Suisse Normande e pliras Petite Suisse, ed en ils Pajais Bass datti passa 10 Klein Zwitserland.
Bleras da las «Svizras» sin il mund èn vegnidas tar lur num perquai che la cuntrada sumeglia ina cuntrada che vala sco tipic svizra. Per exempel la pitschna Svizra en l'Israel è fitg grippusa. E la Suiza Peruana fa reclama per turists cun culms da naiv e lais blaus. I dat er pliras «Svizras» en l'exteriur nua ch'ils fundaturs èn responsabels per il num. Emigrants han pia quasi prendì cun els en l'exteriur la Svizra. Uschia per exempel Switzerland County en il stadi Indiana dals Stadis Unids. La chapitala Vevay aveva in viticultur, emigrà dal chantun Vad, fundà e dà num tenor sia citad d'origin Vevey. Sumegliants cas èn er New Bern e New Glarus en ils Stadis Unids, Nueva Helvecia ad Urugay ubain Nova Friburgo en Brasilia. En lieus dad emigrants datti oz magari anc fastizs dal tudestg svizzer e da tradiziuns cun ragischs svizras. La Svizra para propi dad esser in hit.

Dapli da «La cifra»

Scrollar a sanestra Scrollar a dretga