Robert Schumann – «Du meine Seele, du mein Herz»

El ha scrit sia entira vita. Cumposiziuns per clavazin, per orchester, musica da chombra e chanzuns. Ma Robert Schumann ha era scrit prosa, ed il pli impurtant: ses diaris. Uschia san ins oz, co ch'el cumponiva insumma: L'emprim da tut stueva el skizzar sia musica sin duas lingias - e quai immens spert! Ses mauns na savevan numnadamain betg scriver uschè spert sco quai che ses tscharvè lavurava. E pir pli tard seseva el giu ed elavurava las skizzas tar partituras cumplettas. Robert Schumann, il grond cumponist da la Romantica, ha vivì mo 46 onns.
Redacziun: Rosvita Barenius