En la musica populara datti savens chapellas da famiglia, cun baps e mammas, figls e figlias ed er la cusrinada è da la partida. En l'emissiun dad oz tadlain nus sauts da furmaziuns cun blera parentella. Dal Appenzell enconuschain nus la famiglia Küng, en il Grischun èn quai las chapellas Erni, Engiadina, Vadret ed ils Fränzlis da Tschlin cun musicantas e musicants da pliras generaziuns.
Er ils Oswalds da la Val Müstair èn ina dinastia zunt musicala cun nums sco Sarin, Ludwig, Siegfried, Josef e René Oswald. Vus udis tocs sco: «Salüds a Müstair», «Mia bella Firenza» ubain «Am Verstanclabach».
