La populara dad oz è ina cun musica dal viv, dal 13avel festival Alpentöne ad Altdorf ch'è stà dals 17 als 20 d'avust. Quest festival internaziunal preschenta musica alpina, populara, tradiziunala ed experimentala – ed è in dals impurtants ed innovativs da ses gener. 40 furmaziuns e chapellas èn stadas sin ils differents palcs: Ils Alpinis, il Ländlerorchester, la chapella Nogler, Doppelbock, Eric Truffaz, l'ensemble da Niculin Janett, il trumbettist Thomas Gansch ed ina furmaziun cun talents giuvens da la musica populara svizra. In project tut spezial è stà la collavuraziun da duas scolas autas da musica. Quella da musica e teater da Minca e la scol'auta da Lucerna. Lur concert da sonda, ils 19 d'avust avain nus registrà ensemen cun SRF2 cultura, e parts da quel udis en nossa populara: sauts e melodias svizras e da la Bavaria.
Il festival Alpentöne ad Altdorf
L'inscunter da bleras chapellas e furmaziuns ad Altdorf.
Abunar
Per pudair abunar quest podcast duvrais Vus ina software cumpatibla cun podcast u ina app. Sche Vossa app n'è betg en la glista sura, lura pudais copiar la feed URL manual en Vossa app da podcast u software.
Parter
