La clav da violina d’aur

La populara dad oz è deditgada a sauts e cumposiziuns da musicantas e musicants che han survegnì la clav da violina d'aur. Quai è la pli gronda distincziun da la musica populara svizra. Quella survegnan persunas per lur engaschament e prestaziun a favur da la musica e cultura populara. Ils ultims onns e decennis èn quai stads musicants e cumponists sco: René Wicky, Urs Mangold, Arno Jehli, Dani Häusler, Res Schmid, Carlo Brunner, Domenic Janett, Ueli Mooser, Walter Alder, Hans Fischer, Willi Valotti e Johannes Schmid-Kunz. E l'onn passa è vegnida onurada l'accordeonista Claudia Muff. Lur chapellas sunan lur cumposiziuns enconuschentas: «Schönegg-Marsch», il schottisch «Dr Avner Puur in Singapuur», il ländler «Schrägs gits gnue» ubain il valzer «Appenzellerluft».