Musica populara da l’Engiadina, da la Val Müstair e da Bravuogn

Bleras da nossas audituras ed auditurs sa legran adina puspè era d'udir musica populara da chapellas da l'Engiadina, da la Val Müstair e da Bravuogn. Quest giavisch vulain nus accumplir cun ina «populara» cun las chapellas Tasna, Jünaiver, Engiadina, Colani, Engadiner Ländlerfründa, Clavadatsch, Amis da musica populara Scuol, e nus laschain era sunar la Chapella da Ludwig Oswald, in musicant oriund da la Val Müstair. Sin il program èn sauts sco: Il sot da Crusch, Valser da Flurin S-charplaz, Davo la faira, Barba Not da Seraplana, La talianina, e Sül Alp Zadra.