L'atun da nossas varts: tschiel blau e lareschs mellens, guauds en bleras colurs, la stagiun da la racolta e per far bellas spassegiadas. Però era la stagiun cun ils dis che vegnan pli curts, da la tschajera e da l'atmosfera melancolica.
En la musica populara datti divers sauts ch'èn deditgads a la stagiun da las colurs. Nus tadlain: Simon Lüthi - «Höch öberem Nebel», il Ländlertrio Bucher-Stöckli - «Zum Näbu uis» , il Schwyzerörgeliduo Remo Gwerder-Iwan Meier cun il «Martini-Ländler», la chapella Aarauer Schwyzerörgeli-Fründe cun il valser «Es herbstelet» e la chapella Vadret cun il schottisch «Herbstwätter».
