Siglir tar il cuntegn

Header

laschar ir audio
cuntegn

Traditionells – «Dia urchiga Bündner» ed il «Jodelclub Hochwang»

Dia urchiga Bündner e lur disc da benezifi.

Download

Sonda passada è vegnì preschentà in disc tut spezial cun blera musica populara: «Traditionells – Dia urchiga Bündner ed il Jodelclub Hochwang Landquart». Quel cuntegna 20 sauts enconuschents e chanzuns – ed è vegnì realisà per sustegnair l'acziun «Bündner helfen Bündnern». Quella ha la finamira da promover projects socials e culturals en noss chantun, e da porscher agid a persunas che han basegn da sustegn. Tenor l'Uffizi federal da statistica èn quai 2'674 persunas u 1,4% da la populaziun grischuna ch'èn pertutgadas da povradad.

Da la partida tar quest project da benefizi èn 30 musicantas e musicants da diversas chapellas – e quella furmaziun sa numna «Dia urchiga Bündner». Tschintg musicants furman il fundament e vegnan accumpagnads dad ulteriurs 25 musicants da bleras chapellas da tut il chantun: tranter auters: Arno Jehli, Paul Engler, Josias Just, Manuel Mark, Paul Strub, Thomas Buchli, Theo Ritter, Stefan Battaglia u Claudio Giger. Il resultat è in disc cun quatter chanzuns e 16 sauts enconuschents sco: Uf dr Alp, Im deckta Brünneli, Sapüner Chilbi, Drauf und dran u Am Bündnerball in Zürich.

Musica – ils ultims tocs

Dapli da «La populara»avrir la landingpage

Scrollar a sanestra Scrollar a dretga