Curts pleds tudestgs sco also, toch e halt u pleds che na paran insumma d'avair nagin cuntegn sco ehm duvrain nus fitg savens. Els sa schluitan en noss discurs, era sche nus ans spruvain forsa d'evitar els. Pertge insumma èsi prest impussibel da supprimer els?
Ils terms tecnics per quels pleds: particlas da discurs e particlas modalas – mintgatant disfamadas sco rument linguistic. Sch'ins guarda però pli precis èn ellas tut auter che rument. Ellas surpiglian numnadamain funcziuns communicativas fitg impurtantas.
