Siglir tar il cuntegn

Header

audio
Il center cultural a Nairs
ANR
laschar ir. Durada: 49 minutas 57 Secundas.
cuntegn

NAIRS – «Da la sumbriva illa glüm»

Il center per art contemporan NAIRS a Scuol inscenescha la fin d'emna dals 26 enfin ils 28 d'avust sia reavertura. E quai cun l'exposiziun «SPOT ON 1 – Da la sumbriva illa glüm», cun artistAs da tut il mund, concerts da tut ils geners, prominenza e cun in di dals ateliers averts.

A chaschun da la reavertura fa il Radio Rumantsch visita a NAIRS, inscuntra il directur e manader artistic Christof Rösch, la suprastanta da la Fundaziun NAIRS Urezza Famos ed artistAs che vivan e lavuran en il rom dad in stipendi a Nairs.

Il dachasa da NAIRS è l'anteriura chasa per far bogns dal Hotel Scuol Palace che sa chatta a l'ur da Scuol, gist dasper l'En. Gia la fin dals onns otganta dal 20avel tschientaner han entschet las activitads culturalas a Nairs. Dapi l'onn 2005 datti la Fundaziun NAIRS che sa descriva oz sco sintesa da halla d'art, center cultural e da chasa per artistAs da la Svizra e da tut il mund.

En la segunda part dal Magazin da cultura preschenta Clà Riatsch la poesia dal mais. Questa giada è quai la poesia «Nibels» dad Arnold Spescha.


Redacziun: Rafael Müller

Dapli da «Magazin da cultura»

Scrollar a sanestra Scrollar a dretga