Prolungar in’opera memia curta? Nagin problem!

Render musica classica pli accessibla ad in vast public, quai è adina stada ina da las finamiras en la lavur d'Armin Caduff. Cun sia Compagnia Rossini preschenta el quests dis l'opera «Il Campanello» da Gaetano Donizetti.

Quest'opera buffa dal cumponist talian è in'ovra fitg curta – ella ha mo in act e na cuzza gnanc in'ura. Per Armin Caduff nagin problem: senza far lungas ha el prolungà l'ovra cun agiuntar melodias e text. Per purists forsa in no-go, per Caduff insatge natiral che blers cumponists avant el hajan era gia fatg.

En la seria davart ils chalenders rumantschs sfeglia il Magazin da cultura en il «Calender per mintga gi».