«Sa fatschentar cun paraulas è sco da far terapia»

Durant onns ha Anna Cathomas lavurà en il biro da ses um. Ma ina chaussa era adina clera: cun 50 na vuleva ella betg pli seser davos in computer! Ditg e fatg: ussa è ella dapi bun sis onns raquintadra da paraulas professiunala.

Dapi sia scolaziun sco raquintadra tar la fundaziun Mutabor, raquinta Anna Cathomas paraulas a pitschen e grond, en rumantsch e tudestg. Ils classichers n'èn dentant betg quai ch'interessescha ella, mabain paraulas pauc enconuschentas, da quellas che tschiffan e commuventan, da quellas che laschan viagiar la fantasia.

En la rubrica litterara preschenta Esther Krättli «Globi im Spital», novas aventuras da l'utschè blau cun las chautschas quadrigliadas.